روزُ قطرا کڻي ھَلي ٿو هوُ
ڪينَ قُدِرَت کان پِڻ ڊِڄي ٿو هوُ
مُٺِ ڀِڪوڙي ٿو ٻار جيان وَر وَر
خواب سوگها ڪَري جهَلي ٿو هوُ
آھي واقُف ھوا جيِ فِطرَتَ کان
تَہ بِہ ڏِئو ٻاري هِڪُ رَکي ٿو هوُ
سَمنڊَ تي روزُ شامَ جو توُن اَچِج
ڪَنَ ۾ هوريان چَئيِ وَڃي ٿو هوُ
ساڳي آکاڻي ٿو کڻي، تَہ بِہ روز
چَوَندي چَوَندي مُنجهيِ پَوي ٿو هوُ
زِندَگي اَڌَ ۾ ھَٿُ ڇَڏائي وَئي
ناھي شِڪوا مگر، پَر ڇُلي ٿو هوُ
ڪيرُ نياپو کَڻيِ پِرينءَ ڏي وَڃي
سَڀُ اُڏائي پَکي ڇَڏي ٿو هوُ