ماڻِڪَ مَڻِڪا ماڻَ اَکيُنِ ۾
تَرڪش جا سَڀَ ٻاڻَ اَکيُنِ ۾
تِکي نَظر سان توري وَٺَندو
ماهِرُ آ، ڇَنڊڇاڻَ اَکيُنِ ۾
جَنگِ اَڃا ھيءَ جاريِ رَھندي
هر پَل آ ڇِڪَ تاڻَ اَکيُنِ ۾
عڪسُ اَسانجو ڪِئن هوُ پَسَندو
رَھَندو آ هو پاڻَ اَکيُنِ ۾
خاموش اَچي خاموش وَڃي
جرڪي روحَ رِھاڻ اَکيُنِ ۾
جيتي جَڳُ سارو ماٺِ رَھيو
نينھن نِماڻو آڻِ اَکيُنِ ۾
ذڪر ڪيو دِل سان دِل ھُن جو
ڇَلڪي پيا مَھِراڻَ اَکيُنِ ۾