توسان اوڀر اولھُہ هَلِبو تَڪَڙِ نَہ ڪَرِ
هِڪُ هِڪُ ماڻھو پَرکي ڏِسِبو تَڪَڙِ نَہ ڪَرِ
گهُنجُ نہ پَئجي ڪَنھِن ڪوري سُپني تي ڪو
پَنھِنجي هٿ سان ويڙھي رَکبو تَڪَڙِ نَہ ڪَرِ
پَربتُ پَنھِنجي جاءِ ڇَڏي ھَلَندو مون سان
ڪَڻي ڪَڻي کان پَھرين پُڇبو تَڪَڙِ نَہ ڪَرِ
بِنا پُڇڻ جي بوند بِہ پيئڻو ناهي جَل
نَديءَ ڪناري پياسو رَھِبو تَڪَڙِ نَہ ڪَرِ
ويڙھِہ ھَلي ٿي مُنھِنجي مَنَ سان عرصي کان
ساري دنيا سان پڻ وِڙھبو تَڪَڙِ نَہ ڪَرِ