ڀل نہ موسان پيارُ ڪَرِ پَر ايِنديِ ڪَرَ
دوستي آ بي اَثر پَر ايِنديِ ڪَرَ
تُنھنجي مُنھنجي راھَ آھي ڀَل جُدا
وقت ٿورو مُنھنجي گهَرِ پَر ايِنديِ ڪَرَ
مُنھنجي مُنھن تي مُرڪَ ھاڻي ڪينَ آ
اَشڪ اَکِ ۾ تَربَتر پَر ايِنديِ ڪَرَ
رُڃَ پويان ڊوڙي ڊوڙي ٿَڪجي پِيُس
زِندگي ٿي دربدر پَر ايِنديِ ڪَرَ
ڀِتِ کڄي ٿي زِندگيءَ ۾ روزُ ڪا
ڪَنھِن دريءَ مان تون نظر پَر ايِنديِ ڪَرَ
مُرڪَ، ڀاڪُر، ھِڪَ چُميِ حَسرَت ھُئي
ڀَر ۾ ويھي آهَ ڀَرِ، پَر ايِنديِ ڪَرَ