محبت سان اچي تو ھٿ جهَليو هو، سچ لڳو هو
تو ڀر ۾ ويھي هوريان ڇو کليو هو؟ سچ لڳو هو
حقيقت آ خوشي ۽ زندگي سوغات سُھڻي
تو پنھنجي هٿ سان هِڪ ٿڌڙو ڪڍيو هو، سچ لڳو هو
هو سانجهيءَ جو سَمو ۽ هير پڻ پياري لڳي پي
ڪُلھي تي تو اسانجي سِر رکيو هو، سچ لڳو هو
مُئل حسرت وري جاڳي پئي دل ۾ جيئڻ جي
ٻئي ڪمري ۾ تو هوريان کليو هو، سچ لڳو هو
محوبت، مرڪ، ماڻا آنءُ ڇا ڄاڻا سبق سي
جو مون درسي ڪتابن ۾ پڙھيو هو، سچ لڳو هو
ٻُڌايو بيوفائيءَ جا اوھين ڀل قصا ھن جي
جڏھن هو موڪلائڻ تي ڇُليو هو، سچ لڳو هو
چپن تي مُرڪ اَمان جي اُها ساڳي ڏِٺي اَڄُ
مون فوَٽِو ڀت تي اَمان جو ٽنگيو هو، سچ لڳو هو ۔