صدمو وِسري ويو گهاءُ ڪُري وِچَ وِچَ ۾
جڏھن جڏھن ٿو ڪو مَلمُ مَکي وِچَ وِچَ ۾
مُڪتيءَ جي دَرَ تان پڻ موَٽِيِ آيو آ
ڪنھنجي لءِ ٿو ھيءُ روح رُلي وِچَ وِچَ ۾
اُس تِکي آ، ريتِ تَتَلَ آ بَرپَٽ ۾
حاصل ٿيندو ڇا ؟ ڪَڪَرُ وَسي وِچَ وِچَ ۾
ڪي لفظ چَوي ۽ پو خاموش رهي ٿو
اَفساني کي اِئن موڙُ ڏِئي وِچَ وِچَ ۾
ڪيڏا سُپنن جا مَڙہ ڍوئي آخِر مَنُ
غلط نہ چَئجي گَرِ لُڙِڪُ ڳَڙي وِچَ وِچَ ۾
اوندَھِ برپٽ جو پَنڌُ بِہ مُشڪل نہ آ
پيارَ مَنجهان ڪو آوازُ ڏِئي وِچَ وِچَ ۾