روشنيِ آھي، پَر روشنيِ پَر ڀَرو
چَنڊ تارا ھِتي، چاندنيِ پَر ڀَرو
اُڃَ، بَرپَٽَ مِثَل ڪيِئن مِٽي ۽ ڪِٿي ؟
ڏِسُ مِليِ آ سُڪَلَ ھِڪَ نَديِ پَر ڀَرو
ڇانوَ، بادَل، ٿَڌي هيِرَ، اَحساسِ ٿيو
بوندِ ھَڪَ اَڌ وَسيِ سا وَسيِ پَر ڀَرو
دوستيِ ، نيِنھُن، اُلفَتَ، وَفا ۔۔۔ چُٽڪُلا !
مون تَہ آھي ڏِٺي زِندَگيِ پَر ڀَرو
چَنڊَ تي مون ڏِٺو خوُنَ جو داڳُ هِڪُ
بي گُناهيِ جڏھن قَتل ٿيِ پَر ڀَرو
خوابُ ڇا، آسَ ڇا، ڇا اُميدوُن ڪيان ؟
بيوسي ساڻُ آ، بيڪَسيِ پَر ڀَرو
آنءُ مِسڪيِنُ مون وَٽِ رُڳو سوکِڙي
مُرڪَ، ڀاڪُر، چُميِ، هَلُ چَريِ پَر ڀَرو