ڊَپُ اَندرَ جو ڪڏھن پِڻ لَھي ڪيِنَ ٿو
ماٺِ ۾ گوڙَ ۾ ڀؤ ڇَڏي ڪيِنَ ٿو
مان سُتيِ بيڪَسيءَ جي آ پيِتيِ گهَڻي
پيارُ اُلفَتَ وَفا ڪُجهُہ وَڻي ڪيِنَ ٿو
ڀر ۾ اَنبرِتُ رَکيلُ اُڃ ڏاڍي اَندر
ھَٿُ وَڌايان ذرا پَر پُڄي ڪيِنَ ٿو
زِندَگيءَ سان مُلاقاتَ ٿيندي ڪِٿي
ماٺِ ۽ صَبُرَ سان ھوُ وِهي ڪيِنَ ٿو
قرضُ ڏاڍو چَڙھيو ڪئن چَڙھيو وَقتَ جو
ڪا گهَڙي هوُ اُڌاري وَٺي ڪيِنَ ٿو
خواب اُس ۾ سُڪا مينھُن ناھي وَسيو
ڪَھِڙي آلاڻِ ٿَنِ ڪو گهُري ڪيِنَ ٿو