شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7038
  • 837
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

گهٽايو اُنهن کي گهٽي جيڪي ڄاڻن،

گهٽايو اُنهن کي گهٽي جيڪي ڄاڻن،
مِٽايو اُنهن کي مِٽي جيڪي ڄاڻن.

نه گهٽڻا نه مِٽڻا نه ٽرڻا نه ورڻا،
ورايو انهن کي وري جيڪي ڄاڻن.

پري ٿيو پري ٿيو هي روڪون ڇڏي ڏيو،
هٽايو انهن کي هٽي جيڪي ڄاڻن.

اسان پڻ مٿان ڀونءَ ڀڄاءِ ڪڍيا هِن،
ڀڄايو انهن کي ڀڄي جيڪي ڄاڻن.

ڏئي ڏڍ دلاسا رکي آسرن ۾،
مڃايو اُنهن کي مڃي جيڪي ڄاڻن.

جَهڪڻ ۽ جُهڪڻ مان صفا ڪين ڄاڻون،
جَهڪايو انهن کي جهڪي جيڪي ڄاڻن.

اسين شينهن گجون ٿا کنوڻ گوڙ وانگي،
ڊيڄاريو انهن کي ڊڄي جيڪي ڄاڻن.

اسان من مٽيءَ سان ته مهاندو ڪو آهي،
هڄايو انهن کي هڄي جيڪي ڄاڻن.

اسان جا اصل کان اُچا ’عبد‘ ڳاٽا،
جُهڪايو انهن کي جهڪي جيڪي ڄاڻن.