شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7035
  • 834
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

اسين ساريون گهڻو توکي، نه سارين ته به اسين تنهنجا،

اسين ساريون گهڻو توکي، نه سارين ته به اسين تنهنجا،
جڏو هي جيءُ اسانجو جي نه جيارين ته به اسين تنهنجا.

اسين کوري جيان کامي، وياسين سورن تنهنجي ۾،
اڃا باهيون برهه جون ٻيون به ٻارين ته به اسين تنهنجا.

اسانجي نينهن جون نظرون کُتل تو ۾ صدين کان هِن،
نه جي نظرون کڻي مونڏي نهارين ته به اسين تنهنجا.

اوهان جي در سوا دلبر، ٻيا در ڌوڙ ٿو ڀانئيان،
ڌڪا ڏيئي ڌڪي در تان، ڌڪارين ته به اسين تنهنجا.

اسان جو تون اسين تنهنجا، اسان جي ٻي نه ٻولي ڪا،
نه گهايل سان گهڙي هڪڙي جي گهارين ته به اسين تنهنجا.

رکيم سر تنهنجي پيرن تي، پرين هي ’عبد‘ ڪر پنهنجو،
ڪنيزن جو ڪتو سمجهي ڪوڪارين ته به اسين تنهنجا.