شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7038
  • 837
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

پنهون آن ڏٺو ڪو، پنهل کي پئي ڳولهيان،

پنهون آن ڏٺو ڪو، پنهل کي پئي ڳولهيان،
جسم هي جتن لئه، رڻن ۾ پئي روليان،

سواري سڄڻ جي هتان هير ويئي،
پياري پنهل جا پڇان پير پيئي،
جبل جاڙ جيڏيون ٽڪر ۾ پئي ٽوليان.

ڪري دوکو مونسان ٿيو سٿ روانو،
جتن پويان وينديس، کلي ڀل زمانو،
ٻاروچل ڏنم جا سا ٻولي ٿي ٻوليان.

سنڌي ’عبد‘ منهنجو ويهڻ وهه ٿيو آ،
پڪو پيچ منهنجو پنهل سان پيو آ،
جنڊي جان پايو، جگر پئي جنجهوليان.