شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7038
  • 837
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

ڪڏهن کيلندي ڏسي کِلين، مگر روئندو ڇڏي وئين اڄ،

ڪڏهن کيلندي ڏسي کِلين، مگر روئندو ڇڏي وئين اڄ،
اڳي هئين راتيون رهندو، ڇڏي پر سج وڏي وئين اڄ.

ڪڏهن من جي مٿان بستر، لڳاءِ يار ويٺين ٿي،
سوين گهر هاڻ سورن جا، انهيءَ من تي اڏي وئين اڄ.

ڪڏهن جاني جُدائيءَ جون، ڪري ڳالهيون رناسين ٿي،
الا! منهڙو مٽي مونکان، رقيبن جي تڏي وئين اڄ.

ڪڏهن گوڏا گڏي هٿڙن، رهيون روح جون رلياسين ٿي،
ڀريئي هن ڳوٺ مان ڇا لئه، ڇڏي مونکي لڏي وئين اڄ.

ڪڏهن لالڻ لُڏياسين ٿي، ٻڌي باغن وڻن پينگهون،
وساري ’عبد‘ کي ويهي، غمن گوندر گڏي وئين اڄ.