شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7038
  • 837
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

پيا مينهن پٽن تي وڄون ڏين وراڪا،

پيا مينهن پٽن تي وڄون ڏين وراڪا،
مُڪا مونڏي مارن، ڪي نئين سر نياپا،

لڳئي ڏينهن ڏاڍا وري آ وطن تي،
پڇن ٿيون پنو هاريون، رکيو مَٽ مَٽن تي،
سٺا ڪونه سانگين، ڪڏهن هي ڪڙاڪا.

اچن پيون اتر کان، ڇُلي مينهن ڇاٽون،
سهيليون صبح کان، وٺي ويٺيون واٽون،
وساري ڇڏ يا ٿئي، سڀئي سڱ سياڪا.

منڌيون منجهه ماٽين، آ گهو گهو گهرن ۾،
وسي وڏ ڦڙي ڪئي، بهاري برن ۾،
لڳي هير ٿڌڙي چُري پيا چهاڪا.

اجهي ’عبد‘ ايندا، وٺي مونکي ويندا،
نماڻي نيئر مان ڪڍي نيٺ نيندا،
پنوهارن لئه پائيان، ٿي لڪيو ليڪا.