شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7038
  • 837
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

پکي پيار تنهنجي نه پياسين ته ڇا،

پکي پيار تنهنجي نه پياسين ته ڇا،
اسين يار تنهنجا نه ٿياسين ته ڇا.

سموري حياتي سکن لئه سڪياسين،
ڏکيا ڏينهن تو بن ڪٽياسين ته ڇا.

اسانکي اکين ۾ ڏنئي ڪين جايون،
جدائيءَ ۾ تنهنجي جلياسين ته ڇا.

رقيبن سان محبم ڏٺم جٽِ جنهن دم،
ٻه ٽي زهر جا ڍڪ ڀرياسين ته ڇا.

رڳو عشق تنهنجي ۾ آهون سريوسين،
ٺلها هٿ پنهنجا ملياسين ته ڇا.

ڳجهين جيان پٽي ٿو سڄڻ سور تنهنجو،
وڃي هڏ باقي بچياسين ته ڇا.

نيئر نينهن تنهنجي ٻڌو چئو کُنڀو آ،
اسين توکي وسري وياسين ته ڇا.

اڳيان عشق، منهنجا علم سڀ اُڏڻا،
کڻي اُٺ ڪتابن پڙهياسين ته ڇا.

چون ٿا ته ڪهڙو ٽٽي آسمان ٿو،
’سنڌي عبد‘ کي ڏک ڏناسين ته ڇا.