شاعري

سُڏڪا سُڏڪا سنڌ

ڪتاب سڏڪا سڏڪا سنڌ اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر عبد سنڌي جي شاعريءَ تي مشتمل آهي.
  • 4.5/5.0
  • 7037
  • 836
  • آخري ڀيرو اپڊيٽ ٿيو:
  • عبد سنڌي
  • ڇاپو پھريون
Title Cover of book سُڏڪا سُڏڪا سنڌ

پيار ۾ پيارا اسانکي، آزمائڻ ڇڏ کڻي،

پيار ۾ پيارا اسانکي، آزمائڻ ڇڏ کڻي،
قرب ۾ ڪرڪا ڪهل، ڪنهن کي ڪُهائڻ ڇڏ کڻي.

تون مٿان صدقو سندم، هڏ چم هينئون جيرا بُڪيون،
گهور تنهنجي گهوٽ گهاءِ، پاڻ ٺاهڻ ڇڏ کڻي.

سونهن جا ساجن سندءِ، سامهون گلابي گل جهڪا،
تون ڪجل ڪاني وجهي، اکڙيون ملائڻ ڇڏ کڻي.

ڏور کان ڏسندي مِٺا، هيءَ سِڪ نٿي پلجي سگهي،
ڀر بغل ڀاڪر وجهي، هاڻي نٽائڻ ڇڏ کڻي.

سور ۾ سڙندي مِٺا، سانوڻ سيارا ويا لنگهي،
’عبد‘ کي عالم اندر رڻ ۾ رُلائڻ ڇڏ کڻي.