حرام حلال
شروع کان منجهند جي ماني هوءَ ڊاڪٽر موهني جي گهران گهرائي کائيندي هئي، معمول موجب اڄ به نوڪر ماني آڻي ڏنس پر شرما، ماني واپس ڪندي چيو:
“مونکي ٻڌايو ويو آهي ته غير مذهب ماڻهن جي هٿ ۽ گهر جي شيءِ کائڻ حرام آهي.”
ڊاڪٽر موهني اسپتال ۾ موجود هئي- هن اهي لفظ ٻڌي دائي کان پڇيو:
“شرما...! تون عمري کان اڳ مسلمان نه هئين؟”
هن نڪ تي آڱر رکندي وراڻيو:
“ڊاڪٽر صاحبه! مسلمان مان هيس پر هاڻي پاڪ ٿي آئي آهيان.”
ڊاڪٽر حيرت ۾ ڏسندي چيو:
“ شرمان! بک جو مذهب ناهي هوندو.”