شاعري

مري شالَ مَلهائِيان!

آزاد بخاريءَ جو هيءُ ڪتاب ’مري شال ملھائيان!‘ قومي شاعريءَ جو مجموعو آهي، جنهن ۾ پڙهندڙن کي نه صرف سنڌ سان ٿيندڙ ويڌن جي خبر پوندي، پر اُن ويڌن جي خاتمي لاءِ صلاحون پڻ موجود آهن، اُن ڪري مون کي اُميد آهي ته هي ڪتاب سنڌي ادب ۾ مزاحمتي شاعريءَ جي حوالي سان هڪ بهترين اضافو آهي.
  • 4.5/5.0
  • 1367
  • 293
  • آخري ڀيرو اپڊيٽ ٿيو:
  • آزاد بخاري
  • ڇاپو پھريون
Title Cover of book مري شالَ مَلهائِيان!

ظالم لئه چوين ٿو مظلوم آهي،

ظالم لئه چوين ٿو مظلوم آهي،
ڀل قتل ڪري ته به معصوم آهي.

انصاف جي منهن تي آ پٽي ٻڌل،
حق سچ کي ڏسڻ کان محروم آهي.

ڪو ڪري ئي نٿو لب ڪشائي هتي،
کيس ڪفر جي فتوا معلوم آهي!

ذهنن مٿان مذهب آ حاوي ٿيو،
ٿي انسانيت پئي ته مغموم آهي.

غلام هوندي تون ”آزاد“ پيو سڏائين،
ان تخلص جو ڇا مفهوم آهي؟