ماٺ ئي ماٺ
اساٽ ئي اساٽ آ، ماٺ ئي ماٺ آ،
ڪٿي جگنو جو ڪو چمڪو نه چمڪاٽ آ.
خاموش هرڪو آھ ڪائي نه بات آ،
گهُگهه انڌيرو آھ، سانت ئي سانت آ،
نه رستو، نه روشني، نه ڪائي لاٽ آ،
ماٺ ئي ماٺ آ، اساٽ ئي اساٽ آ.
نفرتون چوٽ هن محبتن جي کوٽ آ،
ماڻهپو ويو هليو ٽوٽ ئي ٽوٽ آ،
چؤطرف ڏس اچي ظلم هنيو کاٽ آ،
ماٺ ئي ماٺ آ، اساٽ ئي اساٽ آ.
پنهنجي منزل اڄ ڏاڍي چٽي آ،
دلڙي مايوس ٿي ڇو؟ ٽٽي آ،
عشق جي ايڏي ڏکي نه واٽ آ،
ماٺ ئي ماٺ آ، اساٽ ئي اساٽ آ.