مان نڪري ويس ۽ لائيِٽر پڪڙجي پيو
”منھنجو بيگ آهي.“ مون وراڻيو
”هن ۾ لائيٽر آهي ڇا؟“ هن هلڪي آواز ۾ پڇيو.
”جي ها“ مون جواب ڏنو. مون بيگ کولي ان مان لائيٽر ڪڍي هن جي حوالي ڪري ڇڏيو.
”هن ۾ ٻيو بہ لائيٽر آهي“؟ هن چپن تي مسڪراهٽ آڻيندي شرارت واري انداز ۾ چيو.
مون کي خبر هئي تہ هن ۾ ٻيو بہ ايڪسٽرا لائيٽر آهي. پر مون بہ هن جي انداز کي سمجهندي چيو تہ،” مون کي نہ ٿو لڳي.“ هو سمجهي ويو هو تہ اهو لائيٽر بہ جي هن کان هتي ئي کسجي ويو تہ پوءِ سگريٽ ڪيئن دکائيندو. ان ڪري هن کلي هن دفعي وڌيڪ پيار سان چيو،” ٺيڪ آ، توهان وڃي سگهو ٿا، پنھنجو خيال ڪجو.“