خوشبوئن جون گهريون ڪنهن کي ڀيٽا ڏجن
پوپٽن جون چميون ڪنهن کي ڀيٽا ڏجن.
مٺ ۾ ماپن نه ٿيون، جهول جهلجن نه ٿيون،
پيار جون هي لريون ڪنهن کي ڀيٽا ڏجن.
آس هر هڪ پلي، نيڻ پنهنجا ملي،
آجپي جون سٽيون ڪنهن کي ڀيٽا ڏجن.
پنهنجي پنهنجي نه جي يار ميهر مليون،
سير ۾ جي ٻڏيون ڪنهن کي ڀيٽا ڏجن.
مرڪڻي ٽهڪڻي ڪائي صورت نه آ،
چنڊ تنهنجون اکيون ڪنهن کي ڀيٽا ڏجن.
سانورا بانورا خواب “صابر” کڻي،
جي هلن ٿيون پريون ڪنهن کي ڀيٽا ڏجن.