صدين جا اوجاڳا آھن اکڙين ۾،
سپنا ڄڻ ويڳاڻا آھن اکڙين ۾.
دردن ۽ پيڙائن جي آ رات لٿي،
ڳوڙھا ڀي نيرانا آھن اکڙين ۾.
روز ورايان زندانن جا در ٿو پر،
قھر اڃا ڀي برپا آھن اکڙين ۾.
اکڙين جي رستي سان محبت ٿيندي آ،
دلڙين جا دروازا آھن اکڙين ۾.
تنھنجي تانگهه تڙپ ۽ تنھنجون ساروڻيون،
ڄڻ ڪي بڙڇون ڀالا آھن اکڙين ۾.
رقص ڪري پئي فطرت ڄڻ ڇيرون پائي،
سندرتا جا سپنا آھن اکڙين ۾.
تاريخن مان جي به مليا آڪاش اُھي،
گھاوَ اڃا سي تازا آھن اکڙين ۾.