وضو جا باقي مسئلا
سوال: بي وضو نماز پڙهڻ ڪيئن آهي؟
جواب: سخت گناه آهي، بلڪه ڪجهه عالمن به اهڙي ماڻهوءَ کي جو وضوءَ کانسواءِ نماز ۾ بيهي ڪافر چيو آهي.
سوال: نماز جي لاءِ وضو شرط هجڻ جو ڪهڙو دليل آهي؟
جواب: قرآن مجيد جي هيءَ آيت: یٰۤاَیُّہَا الَّذِیۡنَ اٰمَنُوۡۤا اِذَا قُمْتُمْ اِلَی الصَّلٰوۃِ فَاغْسِلُوۡا وُجُوۡہَكُمْ وَاَیۡدِیَكُمْ اِلَی الْمَرَافِقِ وَامْسَحُوۡا بِرُءُ وۡسِكُمْ وَ اَرْجُلَكُمْ اِلَی الْکَعْبَیۡنِ (سورة مائده ع 2) يعني اي ايمان وارو! جڏهن اوهان نماز جي لاءِ اٿو ته (پهريائين) پنهنجا منهن ۽ هٿ ٺونٺين تائين ڌوئو ۽ پنهنجي مٿي جي مک (مسح) ڪريو ۽ پير مرن تائين ڌوئو ۽ حضور اڪرمﷺ فرمايو آهي ته: مِفْتَاحُ الْصَّلٰوۃِ الَّطھُوْرُ (ترمزي) يعني نماز جي ڪنجي (يعني شرط) طهارت (پاڪائي) آهي.