معصيت ۽ گناهه جو بيان
سوال: معصيت جي ڇا معنيٰ آهي؟
جواب: معصيت جي معنيٰ نافرماني ڪرڻ ۽ حُڪم نه مڃڻ، جنهن به ڪم ۾ الله تعاليٰ جي حڪمن جي نافرماني ٿئي ٿي، ان کي معصيت ۽ گناهه چئبو آهي.
گناهه ڪرڻ تمام خراب ڳالهه آهي، الله تعاليٰ جو غضب، ناراضپو ۽ عذاب، گناهه جي ڪري ٿئي ٿو، گناهن ۾ سڀني کان وڏو گناهه ڪفر ۽ شرڪ آهي. ڪافر ۽ مُشرڪ هميشه دوزخ ۾ رهندا. ڪافر ۽ مشرڪ جي شفاعت به ڪير ڪو نه ڪندو، قرآن مجيد ۾ الله تعاليٰ فرمايو آهي ته مشرڪ کي آئون ڪڏهن به نه بخشيندس.