شاعري

صحرا مون ۾ ساھہ کڻي ٿو

’’صحرا مون ۾ ساهه کڻي ٿو‘‘ جديد سنڌي شاعريءَ جي رنگن جي عڪاسي ڪندڙ اهڙو مجموعو آهي، جنهن جي فڪر تي ڪنهن جي ڇاپ ناهي بلڪه امر ساهڙ جي ٻوليءَ جي ٻه رنگي ڍنگ سبب منفرد اسلوب طور ڏسجي ٿو. هُو گهٽ لکيو پر سٺو لکيو جي پيروي ڪندڙ شاعر آهي، جنهن جي هر هڪ تخليقَ پنهنجي جوهر ۾ سگهاري ۽ وڻندڙ آهي.
  • 4.5/5.0
  • 5489
  • 1082
  • آخري ڀيرو اپڊيٽ ٿيو:
  • امر ساھڙ
  • ڇاپو پھريون
Title Cover of book صحرا مون ۾ ساھہ کڻي ٿو

ويٺا آهن واٽ تي

ڪيئي ڇورا ڇيڳرا،
تُنهنجي ئي تاڙ ۾،
ويٺا آهن واٽ تي.

آيل آڌيگامَ جا،
لاهيارا لاڙ ۾،
ويٺا آهن واٽ تي.

سوچي ڪر تون شاعري،
شاعر ڪي ساڙ ۾،
ويٺا آهن واٽ تي.

گهُم نه گهُور انڌيري ۾،
ٻانڌاڻي ٻاڙ ۾،
ويٺا آهن واٽ تي.

اڃان به ڪيئي ڪاپَڙي،
پارڪر جي پاڙ ۾،
ويٺا آهن واٽ تي.

***
آڌيگام: پارڪر جو پُراڻو ڳوٺ
ڪاپِڙي خان کوسو: ننگرپارڪر جو دلير ماڻهو