روحَل! تنهنجي راڄَ ۾
روحَل! تنهنجي راڄَ ۾.
بيت حليم باغيءَ جا،
وطن سندو وشواس،
روحَل! تنهنجي راڄَ ۾.
هُو جي حاجي ساند آ،
اُجرو ڄڻ احساس،
روحَل! تنهنجي راڄَ ۾.
ماما جُمن مانِکي جو،
وَنڊي ويٺو واس،
روحَل! تنهنجي راڄَ ۾.
ڀوڳ ڪاڪي ڀلوءَ جا،
آهن هيل اُداس،
روحَل! تنهنجي راڄَ ۾.
هرڪو ايندو هيجَ مان،
عام هُجي يا خاص،
روحَل! تنهنجي راڄَ ۾.
***
- روحل فقير: سنڌ جو ڪلاسيڪل شاعر
- حليم باغي: سنڌ جو سرواڻ شاعر
- حاجي ساند: جديد سنڌ جو سُريلو شاعر
- ماما جُمن: سنڌ جو قومي ڪارڪن ۽ ڪلاڪار
- ڀلو فقير: لوڪ ڏاهپ جو ڄاڻو ۽ سگهڙ