عزتِ نفس
تراڻي بِنا تئي،
پُراڻي پادَر،
ڦِٿل ٽماٽي،
۽ بيڪار بيضي،
شديد ردِعمل جو اظهار ڪندي؛
چيو ته؛ ’’سنڌ جي ويڪو وڏيرن،
۽ ڀاڙي ڀوتارن خلاف،
اسان کي استعمال ڪرڻ،
اسان جي تاريخي ڪردار جي،
سنگين توهين آهي،
جنهن سان اسان جي،
عزتِ نفس مجروح ٿئي ٿي،
اِن ڪري اسان عاليٰ عدالت کي،
اپيل ٿا ڪريون ته اُها،
اِنهي سازش جو ازخود نوٽيس وٺي،
اسان سان انصاف ڪري،
ٻئي صُورت ۾،
اسان احتجاج طور،
ڍڪڻ ۾ ڍُڪ ڀري مَرنداسين،
جنهن جي ذميواري،
اسان کي مِس يوز ڪرڻ وارن،
مٿان عائد ڪري اُنهن خلاف،
FIR ڪٽرائي وڃي.