اڙي او وڇوڙا!
نه سرگم نه سينڍون،
رُڳي هاءِ گهوڙا،
اڙي او وڇوڙا!
جنين کان جَواني،
رُسي ٿي رَواني،
تنِين کي لڳن ٿا،
هِينئين تي هٿوڙا،
اڙي او وڇوڙا!
اُڃارا، اُڃارا،
سنڌوءَ جا ڪنارا،
گهُمڻ لئه اچن ٿا،
جتي کوڙ جوڙا،
اڙي او وڇوڙا!
ڪندا عيد ڪهڙي،
خِوشي خريد ڪهڙي،
پَون ٿا جنين کي،
وِري جا ولوڙا،
اڙي او وڇوڙا!
جيئڻ جي جُرم ۾،
سدائين تُرم ۾،
بنا ڏوهه جي ڀي،
سَٺا سنڌ ڪوڙا،
اڙي او واڇوڙا!
اُڃايل اَڪن جون،
ڀِٽن ۽ لڪن جون،
پلر لئه پُڪارون،
ٻُڌئي ڪو نه ٻوڙا!
اڙي او وڇوڙا!