چانڊوڪيءَ جو ماڳ
تون ٻَهراڙيءَ جي ڳالهه ٻُڌا،
پئي وِينگسُ ڀَل پوءِ ٿالهه وڄاءُ،
اَحوال ڀَلي ڪَر مَستن جو!
برسات صُبح جِي ڳِڙکيءَ مان،
ڪنهن آرس موڙي جانچي پئي؟
تاريخَ اکين جي اوري ڏي!
جنهن جهاتِي پاتِي هُئي جِيءُ مان!
وئي رَلجي گاهه سان گُل-ٻاٽي!
اُن هارياڻيءَ جو خواب ڏِٺئي؟
جنهن ڇاڻيو هو سو تاب ڏِٺئي؟
سا سُونهن چَپن سان ڪنهن ساٽِي؟
هُن چانڊوڪيءَ جو ماڳُ ٻُڌاءُ،
پوءِ پنهنجو ڀَل تُون راڳُ ٻُڌاءُ