عشق تنهنجو
مُون مَٿان هَر رَنگُ تُنهنجو وئي ڇَٽي!
وَهنجندي تو پيرَ ڌوتا مُرڪندي!
مُون به جوڀنَ جو پَگهرُ ڇاڻيو سَٽي!
عَڪسُ تُنهنجو پار ويو مُون مان مَٽي!
مُنهنجو سَتُ مُونکان ڇَڏائي ويو هَليو،
گُلُ مُنهنجي نِنڊ جو تُون وئين پَٽي!
جيءُ مُنهنجو ڪونه توکان ٿي پَليو.
چينُ مُنهنجو تو چَپن سان هو وَليو،
سَمنڊُ مُنهنجي اکّ جو هاريو نَٿي،
تو ڪِناري کي ڇِڪي اهڙو جَهليو،
ٿڪّ مُون ۾ تو ڪَڏهن ٺاريو نَٿي!
جڳَ نِهاري ساڙ مان مُونتي ٿُڪيو!
عِشق تُنهنجو ڌوپجِي مُونتي سُڪيو!