نِگاهن جون وحدتون!
ڪنهن نِظاري جو گِرهُه کائِن نَٿا!
تُون اُگهاڙا پئي سَڏين پيو مان مَڃان،
پَر ڪَجلَ جو ڪو وَڳو پائِن نٿا!
نيڻَ ڪانگنَ کي ڪَڍِي ڇا لاءِ ڏِيان؟
هر ٻَنيءَ ۾ تُون پئي لَنودِيئن تُون ئي تُون!
ڏِس لُڙاٽيل عَڪسُ تُنهنجي کي جَهليان،
رَقصُ پنهنجي ۾ پئي چَوندِيئن تُون ئي تُون!
تو اکين کي ويجهڙو ايڏو ڪَيو!
عِشق مُنهنجو ويو ٽِپي تارن مَٿان!
نُور تُنهنجو ويڙهجِي مُونکي ويو!
آسمان پوءِ ويو لِڪي تارَن مَٿان!
هر نِگاهه ۾ وحَدتُون آهن وَڏيون!
ڇو اکين کي ايئن اَجايو پوءِ ڇَڏيون؟