سانوڻ ۾
مُنهنجا نِم سَڙي پوءِ وِيندا،
سارا وَڻَ لَڙي پوءِ وِيندا،
بارِشُ ڪونهي ٿڙڪِئين ڇا لئه؟
تُنهنجا نيڻَ نِمازي آهِن!
وِک وکِ تي پيا سَجَدا ڏِيندا.
مُونکي ڏوهِي ٺهرائِيندا.
تُنهنجا ڪاڪُلَ قاضِي آهِن!
سانوڻُ ۾ جا نِنڊ ڪنديئن تُون،
وِڄَ مَٿان کان ڏِسندي توکي.
بارِشُ ڇَڻندي پَسندي توکي!
جاڳِي جاڳِي سوچيو هِيءُ مُون.
وِڄَ کان ڇِرڪي تُون پئي ٽَهنديئن!
سانوڻ ۾ پوءِ ڪنهن سان رَهنديئن؟