گدڙ ڙي گدڙ
چون ٿا گرهوڙي بادشاهه پيشين گوئي ڪئي هئي ته اهو وقت جلد اچڻ واور آهي، جو سنڌ کي گدڙ کائيندا... گدڙ معنوي اشارو آهي تنهن ڪري مشتري هوشيار باش... جيڪڏهن غور سان ڏٺو وڃي ته هن وقت رڳو گدڙ ڪونه پيا ڪرٽين، پر بگهڙ ۽ السيشن ڪتا به دعوتِ شيراز ۾ شامل ٿي ويا آهن... ڏاندن ويچارن جو گذر سفر مزدوري ۽ هارپي تي آهي... سو هاڻي وڏي بگهڙ وري زميندارن کي ختم ڪرڻ جو راڳ ڀيروي سُر ۾ آلاپڻ شروع ڪيو آهي.
ٻئي درجي ۾ پڙهيو هوسون ته جعفر نالي هڪڙي ڌراڙ ويچاري پهرين کڻي چرچو ڪيو هو ته، ”وارو ڪريو ٻڪرين ۾ بگهڙ...“ ماڻهو ڪهاڙيون کڻي آيا مگر هاڻِي جفعر جو اولاد ڏينهن رات مائيڪ تي رڙيون پيو ڪري ته، ”وارو ڪريو... گدڙ ڏند تکا ڪريو، ڪاهيندو اچي...“ پر اسين سڀ صدورا ثقافتي سردار دهل شرنائيون کڻيو پيا نچون ٽپون ته، ’ماما ماما مار گدڙ کي... او ماما ماما مار گدڙ کي... نور نور سانڊو‘ ليڪن ماما سائين الُوٽ ٿيو ڪرسيءَ تي ويٺي پيو ننڊون ڪري... ۽ گدڙ، سانڊي سان صلاحي ٿيو في الحال ته وڏيون وڏيون تقريرون پيو ٺوڪي... پوءِ شايد سوئرن ۽ هاٿين سان گڏجي يڪي ڀيل ڪندو ۽ عهدا سنڀاليندو...