شاهه لطيف جي تتبع تي
جيڪي ڏڏن ڏي ڳجهان اندر ڳجهه ۾
وعلمنهٰ من لدنا علما واهڙ جال وهي
منجهان منجهه پئي مليس آب اگومرو
اگومري هن آب جون مَٽيون ڀرائي
موکي متارن کي گهري گهرائي
وٽيون ورهائي وره واري وه جون
سهيو سکيو جندڙو تو وڪر آه وڌو
بنا ملهه مڪائي تو ڳَٽ آه ڳڌو
سوَلو ٿي سڌو نه ته سَٽون جهليندي سُور جون
سَٽون جهليندي سُور جون، روئندي زاروزار
محب نه ملندءِ ماٺ ۾، پنهونءَ لئه ڪڍ پار
وندر ووڙ وس ڪري، ڏونگر ۾ وجهه ڏار
روح رلائي رڻ ۾، يا مهت ڏئي منٺار
ڪرم ڪرئي قيوم چئي، يا محب رکئي ميار
اندر پنهنجو اڌ ڪرين، ته به آگي جو اختيار
ڪوري ڏين ڪپار، ته به مرضي آ محبوب جي