ملينم غزل
[2001-2000]
نئين ملينيم ۾ اچو هڪ نئون جهان پيدا ڪريون
گل نئون، بلبل نئين، نئون باغبان پيدا ڪريون
نئون ادب، نئين شاعري ۽ نئين زبان پيدا ڪريون
هر ڏکئي لئه ’روٽي ڪپڙا ۽ پڪان‘ پيدا ڪريون
سڀ پراڻا ’ٽِينَ ڊبا‘ تور تي وڪڻي ڇڏيون
ڪشتي نئين، نئون ناکئو، نئون بادبان پيدا ڪريون
رنجشون ويڇا وساري سڀ اچو گڏجي هلون
انتقامن کي ڇڏي امن و امان پيدا ڪريون
عشق جي توقير ٿئي ۽ غير ٿئي بي اعتبار
شاعرو! اهڙو ڪو اندازِ بيان پيدا ڪريون
ظالم و جابر کي للڪاري ٿيون ’زخمي‘ شهيد
ان طريقي سان حياتِ جاودان پيدا ڪريون