مزاحيه غزل
ڪڏهن راضي رضا تي ۽ ڪڏهن بلڪل خفا ٿي ويو
سبب ٻيو ڪونه هو ليڪن الائي هن کي ڇا ٿي ويو
وڏي مشڪل سان آيو هو ڪلينڪ تي مگر قسمت
پريان ايندو ڏٺئين ٽيچر ته ڇرڪي هُو هوا ٿي ويو
کپن جي مئٿ ۾ نمبر ته پوءِ ٽيوشن ضروري آ
جو آيو علم جي مقتل ۾ ان جو ڌڙ جدا ٿي ويو
محبت آ خدا سان ۽ زماني سان رهايون پيا
ڳچيءَ ۾ آه تسبيح، مال سارو ’هپ هپا‘ ٿي ويو
ڪريو ٿا فون ٿاڻي تي وڏي ڀوتار جي نالي
حقي حق آ اڌواڌ ۽ پوءِ ڌاڙو مڪ مڪائي ٿي ويو
اڳي ’زخمي‘ جگر هو، هاڻي آهي روح پڻ زخمي
طبيبو مرحبا، مرضِ ڪُهَن آ لادوا ٿي ويو