هن وٽ جام تي پئي جام آيو
اسان وٽ تنهنجو مٺڙو نام آيو
عدؤ ڀانيو ته ٿي آهي عنايت
مگر هن لاءِ پي فرجام آيو
پڪاريو دار وارن ڪير ايندو
صنم کي ياد منهنجو نام آيو
سڀئي صياد آڏو سر نِگُون هئا
نظر پئي نينهن جو نيلام آيو
وري پيو محتسب توکي سڏائي
وري ڪو تو مٿان الزام آيو
جنونِ زر جي ٿي پئي ڪاميابي
جنونِ عشق پئي ناڪام آيو
چيائين زر جي ناهي ڪا ضرورت
۽ غربت جو ڏيڻ الزام آيو
وري ’زخمي‘ ڪمايو ننگ ۽ نام
وري بي ننگ ٿي بي نام آيو
سڀئي مئخاني مان پُرباش نڪتا
مگر ’زخمي‘ آ تشنه ڪام آيو