مزاحيه عيد غزل
ڪنهن کي تو جهڙو نه ڪڏهن نينهن نڀائڻ آيو
جيڪو آيو سو فقط مال ڪمائڻ آيو
هاڻي مان توکان سوا ڪنهن سان سڄڻ عيد ملان
مون سان جيڪو به مليو تنهنجو پڇائڻ آيو
جيڪو اڄ عيد مليو زور ڏئي ساه ڪڍيئين
ڪنهن کي تو جهڙو نه ڪو ملڻ ملائڻ آيو
ڪنهن کي تو جهڙو چُمي ڏيڻ جو ڏانءُ نه هو
ٻئي جنهن به ڏني گِگَ وهائڻ آيو
تون ته مرهم ۽ پَٽيون ساڻ کڻي ايندو هئين
ٻيو جيڪو به مليو لوڻ لڳائڻ آيو
روح ’زخمي‘ ٿي رهيو جسم رهيو ٺيڪ ته ڇا
عيد جو ڏينهن به بيڪار ستائڻ آيو