شاهه لطيف جي تتبع تي
ڪيچان اوري ڪيتريون معذوريون مُنڌيون
اهدناالصراط المستقيم، راه نه انهي رُڌيون
من اتي الله بقلبِ سليم، ڪوڙيون هيون ڪُڌيون
جن محب ميهار نه مڃيو سي ڏم ويٺِ ڏُڌيون
جي سونهن ڏنيون سُڌيون، ته به رلي مُيون روح ۾
ساهڙ سندي سونهن لئه سهڻيءَ کي سنڀار
ساهڙ سهڻي پاڻ ۾ ڪانهي ڌاروڌار
موڪليئين مثال سان مٺو مڻيادار
ساهڙ اٿئي سرڪار، لکين ته الک اتان ملي
قدرت ڪل جهان جت جماعت هيڪڙي
عرب عجم آمريڪا چين ۽ جاپان
ڪارا ڳورا ڪڻڪ رنگا هندو مسلمان
محبت جن مذهب ڪيو عشق تن عرفان
پڌرا هوندا پڙ ۾ نانگن جا نيشان
پاڻهي ملندن پرينءَ کان پرت جو پيمان
اهڙا جن ارڪان، سي درشن پسندا دوس جو