مرثيو
هُنن پنهنجي قيام پئي ڪاري ڪئي
حُر مگر پئي مهند موچاري ڪئي
ڪَج ڪَلاهن لعنتون سر تي سَٺيون
بي سرن پئي خوب سرداري ڪئي
گرم واري تي رکي پياسي زبان
نياز وارن ناز برداري ڪئي
سر هئا، ڪجهه هٿ هئا، بازو هئا
وضعدارن پئي وضعداري ڪئي
هڪ نگاهِه ناز جي قيمت ڪٿي
سڀ ڪهاڻي يار سان ياري ڪئي
ڪنهن بهاني يار من پرچي پوي
سو سڀن پئي گريه و زاري ڪئي
بـــــــــــــــارگــــــــــــــــاهِه ســـــيــــــــــدالـــــــــشـــــهــــداء ۾
تو به ’زخمي‘ ڪا عرضداري ڪئي