نعت
سهارو بي سهارن جو سخي سرور صدر آهي
وِلهين، بي واه، ويڳاڻين، سندو وارث ۽ ور آهي
اوهان جي نعت ۾ رطب السان هر سخنور آهي
اوهان جي هجر ۾ هر ڪوئي عاشق چشم تَر آهي
اوهان کي جنهن سڃاتو سو خدا کي ڄڻ سڃاڻي ويو
خدا کان بعد خود آهيو ۽ قصو مختصر آهي
سڌو آ پنڌ صورت جو ۽ ٻيون واٽون ورڻ جهڙيون
عطا ديدار جنهن کي ٿيو اهو ئي ديده ور آهي
خطائون درگذر توبه ۽ تقويٰ ساڻ ئي ٿينديون
پڙهين صلوات جي سارَي ته پوءِ سوَلو سفر آهي
مديني روح کي راهيو، هجي ڀل جسم هالا ۾
حياتيءَ جو بچيو باقي اچي پويون پهر آهي
ڪمائَي ڪوڙ ڪچ تو زندگي ضايع ڪئي ’زخمي‘
جو خبر ئي ڪانه پئي توکي ته دنيا دم گذر آهي