ليکو برابر
تنهنجي نالي تنهنجي ماني، منهنجي نالي منهنجي ماني
هر داڻي تي نالو اُڪريل
ليڪن تو ڪئي آ چالاڪي
ساڳيا داڻا سستا سودين... ساڳيا داڻا مهنگا وڪڻين
روز ٿو فون تي اگهه بدلائين
تو هئي جيڪا کنڊ لڪائي، چانور چاڙهيا، ڪڻڪ ڪمائي
ڪرڻي پئي ’اوپر‘ جي رسائي... اها رقم پڻ وئي اجائي
ليڪن منهنجي نالي داڻا... تنهنجي نالي مُور نه ٿيڻا
توکي جڏهن به شامت کڻندي، صورتِ نادر نازل ٿيندي
جيڪو ٻئي جو مال تڪيندو... ان جي ماني ڪتو نيندو
ڪتو آهي ڏاڍي ذات... ڀڄي به ويندو لڪي به ويندو
اڳيان لڳو پيو گهاٽو ٻيلو
خدا سڀن جو حق وڪيل
تنهنجي نالي تنهنجي ماني
منهنجي نالي منهنجي ماني.
ادب لطيف