تنهنجي ايڏي جي بي رخي رهندي
منهنجي ناڪام عاشقي رهندي
حالِ مسڪين تي ڪرم ڪرين نه ڪرين
پوءِ به تو ڏي نظر نمي رهندي
تو ڏي هر روز مان اچان نه اچان
توسان پَر پُٺ به لنئه لڳي رهندي
تنهنجي هر هڪ ميار اکڙين تي
تنهنجي قدمن ۾ ئي خوشي رهندي
تنهنجي چرين کي چڻنگ ٿي گهرجي
پاڻهي ڀڙڪا ڏئي ٻري رهندي
تون جي پرين کي هت پسي وٺندين
جذب و وجدان و آگهي رهندي
توکي بلبل ۽ گل ڀُلي ويندا
توکي اُڻ تُڻ اڃان ئي ٻي رهندي
پنهنجي ’زخميءَ‘ جي شاعري سمجهين؟
پوءِ ته واقعي به شاعري رهندي