شاعري

دل تہ چوي ٿي

مشتاق ڦل سنڌ جو اهڙو شاعر آهي جنهن وٽ ڏات بہ آهي ته ڏانءُ بہ، هو سادن لفظن ۾ وڏي ڳالهه ڪرڻ جو هُنر ڄاڻي ٿو. هر اهل دل سندس شاعري ۽ خيال کي پنهنجي ترجماني محسوس ڪندو. 
  • 4.5/5.0
  • 10874
  • 1170
  • آخري ڀيرو اپڊيٽ ٿيو:
  • مشتاق ڦل
  • ڇاپو پھريون
Title Cover of book دل تہ چوي ٿي

پيار جي ويرين جو مَن ميرو

پيار جي ويرين جو مَن ميرو
دولت ميري ۽ ڌَن ميرو

دل وارن جي دنيا ٻي آ
هٿيارن جي دنيا ٻي آ

اسڪولن ۾ ٻار مرن ٿا
تنهنجا منهنجا يار مرن ٿا

هٿيارن جي دنيا ٻي آ
۽ ٻارن جي دنيا ٻي آ

مون کان منهنجا يار پڇن ٿا
گهر ۾ ننڍڙا ٻار پڇن ٿا

ڇا پيارن جي دنيا ٻي آ
آزارن جي دنيا ٻي آ

مان سوچيان ٿو آخر ڇاهي
ماڻهو ماڻهوءَ کي ٿو کائي

مون پارن جي دنيا ٻي آ
ڀوتارن جي دنيا ٻي آ

مون سوچيو هو ڌار نه ٿيندا
مون کي تنها ڪين ڇڏيندا

پر يارن جي دنيا ٻي آ
اغيارن جي دنيا ٻي آ