شاعري

دل تہ چوي ٿي

مشتاق ڦل سنڌ جو اهڙو شاعر آهي جنهن وٽ ڏات بہ آهي ته ڏانءُ بہ، هو سادن لفظن ۾ وڏي ڳالهه ڪرڻ جو هُنر ڄاڻي ٿو. هر اهل دل سندس شاعري ۽ خيال کي پنهنجي ترجماني محسوس ڪندو. 
  • 4.5/5.0
  • 10874
  • 1170
  • آخري ڀيرو اپڊيٽ ٿيو:
  • مشتاق ڦل
  • ڇاپو پھريون
Title Cover of book دل تہ چوي ٿي

سور سانڍيون ٿي وتي سنسار جا

سور سانڍيون ٿي وتي سنسار جا
روز رستا ٿي ڏسي دلدار جا

هوءَ مڌر آواز واري ڇوڪري
گُنگنائي گيت ويٺي پيار جا

لُڙڪ لاڙيندي سِبي پهراڻ ٿي
رَنگَ ٿي ان تي ڀري ڪنهن سار جا

ريشمي سوچن سندا رومال تي
عڪس ٿي اوتي پئي اقرار جا

هن جي آڱر ۾، سُئي اٽڪي پئي
هُن ڏٺا پئي خواب ڪنهن ٻئي پار جا

ڪير هن کي چئي ته هوءَ ڇا ٿي ڪري
ياد گفتا ٿي ڪري پئي يار جا