منهنجي اک جو بادل سان آ شجرو ملندو.
تنهنجو اک جو ڪاجل سان آ شجرو ملندو.
تنهنجي زلفن سان خوشبوءِ جو لاڳاپو آ،
تنهنجو تڏهن هرگل سان آ شجرو ملندو.
غور ڪري ڏس پاڻ ٻنهي جو تعلق ائين آ،
ٻيڙيءَ جو جئين ساحل سان آ شجرو ملندو.
مان ته گلاب کي ڏسندو آهيان لڳندو ائين آ،
ڄڻ ته گلاب جو ڪو ڳل سان آ شجرو ملندو.
حسن بڻايو اهڙو مونکي ديوانو آ،
منهنجو ڄڻ ڪنهن پاڳل سان آ شجرو ملندو.
چيلھ تي هٿ ڏئي بيهي سوچن ڏوھ ثواب،
پيرن جو ڀي پايل سان آ شجرو ملندو.
ڌرتيءَ سان ڀي اهڙو رشتو جڙيل آهي،
جهڙو منهنجو آيل سان آ شجرو ملندو.
ٿو ته بڻايو شعرن ۾ مٺڙي ممتاز،
بيحد سهڻي هڪ گل سان آ شجرو ملندو.