منهنجي به حياتي هي اڌ رات جيان آهي.
ڪو شور ئي ڪونهي ڪو سڀ سانت جيان آهي.
هڪ ڏينهن پيو مينهن هو هڪ رات رهي پئي هئي،
بس رات اها ئي بابرڪات جيان آهي.
مان اڄ به طبيعت ۾ ڳوٺاڻو اياڻو هان،
هر سوچ پرينءَ جي پر سقراط جيان آهي.
هن مون کان پڇيو تنهنجو ڪيئن وقت پيو گذري،
مون کيس چيو ظالم سڪرات جيان آهي.
هڪ ظلم جيان هن جو مون ساڻ رويو آ،
هت حال سڄي سنڌ جي حالات جيان آهي.
هر روز پئي لوڙهي هر ياد پرين تنهنجي،
طوفان مٽيءَ جو ۽ برسات جيان آهي.