گلابن جون پتيون ڄڻ خواب آهن ننڊ هاري ٿي.
اسان ٿا ننڊ ۾ جيئون اسان کي جاڳ ماري ٿي.
حقيقت ۾ غنيمت آ اوهان جي ويجهڙو آهيون،
اوهان جي سونهن مرڪي عشق جون سرڪيون پياري ٿي.
اسان منزل ڇڏي پٺ تي اسان جو پنڌ اڳتي آ،
سفر ۾ سوچ آ پنهنجي نه پل ڪاٿي ويهاري ٿي.
الئه ڇو ساهه ۾ ماپي نه ٿو اڄ ساهه سوچيان ٿو،
اوهان جي سار جي نه ته هر وڏي مشڪل کي ٽاري ٿي.
افق آيو کڻي آهي شفق جا ڇانورا ليڪن،
ستارا ٿا چون هرهر اوهان کي باک ساري ٿي.
فقط دل ۾ محبت جو کڻي احساس نڪتاسي،
وسامي وقت ٿئي ها پر، اسان کي سوچ ٻاري ٿي.