محبوب کان سواءِ ڪٿ هي دل نه ٿي لڳي.
ڪوشش گھڻي ڪيم پر بلڪل نه ٿي لڳي.
جنهن ڏينهن کان ملي اک ان ڏينهن کان وٺي،
آرام آ ڦٽل اک هڪ پل نه ٿي لڳي.
دردن طويل ڪئي آ مون سان مسافري،
رستي ۾ ڪا خوشين جي منزل نه ٿي لڳي.
آسان زندگي آ جي ساڻ آ پرين،
مشڪل وڏي وڏي ڀي مشڪل نه ٿي لڳي.
هر روز ماري ماڻهو پوءِ ڀي پرين صفا،
معصوم مرڪ تنهنجي قاتل نه ٿي لڳي.
منهنجون خوشيون هميشه ڪاري لباس ۾،
مرڪي خوشي ڪا مون کي ڇو ڳل نه ٿي لڳي.
شهمير جي اڌوري تصوير تو بنا،
سهڻي فريم ۾ ڀي مڪمل نه ٿي لڳي.