اوهان کي روز ڪهڻ جي جهڙپ ملي آهي.
اسان کي روز ڪسڻ جي تڙپ ملي آهي.
ستم هزار ڪيو ٿا ته ڀي ڪڇون ئي نه ٿا،
وڏي ڪا سور سهڻ جي سهپ ملي آهي.
اڃا پيار ڪرڻ لاءِ رب خرارَ کپن،
حياتي پيار ڪرڻ لاءِ لپ ملي آهي.
مخالفن جي مغز ۾ ٺهڻ جا جذبا ها،
هئا قريب جي تن کان ئي گپ ملي آهي.
پرين کلي تون مليو آن، سچي ٻڌايان ٿو.
الائي ڪنهن جي سڙي دل ٿي، ڌپ ملي آهي.
نظر ته چنڊ به آيو نه ڏينهن جو ليڪن،
ٿيو جو عشق، ستارن_ڳڻپ ملي آهي.
الائي ڪيئن محبت سندو مليو موتي،
سمونڊ سونهن وٽان عشق سپ ملي آهي.
خدا گواهه آ شهمير اڄ مان خوش آهيان،
خوشي ڳلي سان ڪري مس ڪو هپ ملي آهي.