شاعري

کٿوريءَ کيپَ کيتر ۾

شاعريءَ جو هي ڪتاب ”کٿوريءَ کيپَ کيتر ۾“ خوبصورت شاعر مزمل سائر جي تخليقن جو مجموعو آهي. هي ڪتاب 2014ع ۾ سنڌيڪا اڪيڊمي پاران ڇپايو ويو.
  • 4.5/5.0
  • 6929
  • 786
  • آخري ڀيرو اپڊيٽ ٿيو:
  • مزمل سائر
  • ڇاپو پھريون
Title Cover of book کٿوريءَ کيپَ کيتر ۾

ڏور لُڙهي ويو ونجهه، او مانجهي

ڏور لُڙهي ويو ونجهه، او مانجهي
سِيرُنِ اُهري ناوَ
کنيا ٿِي هانوَ الا ڇو ڀاوَ
هليو هل لهرين سين

لهرين لهرين کيپَ چڙهيل ٿي
سج به اڃا ٿِي ساڻ
اڃا ٿِي کيجَ ڀريل مهراڻ
هليو هل لهرين سين

ساگر مڌ مرلي ٿي مُرڪي
بوند بوند آ جام
اڃا ٿِي رمز رتو سنگرام
هليو هل لهرين سين

وهم وِلوڙي پاسي ڪر تون
جهاتي من ۾ پاءِ
او مانجهي، اڄ ته نه تون گهٻراءِ
هليو هل لهرين سين

ڏور لُڙهي ويو ونجهه، او مانجهي
سِيرُنِ اُهري ناوَ
کنيا ٿِي هانوَ الا ڇو ڀاوَ
هليو هل لهرين سين